Chaturbhuj Nala Rock Art Painting – India ki Sabse Badi Rock Art Gallery | Mandsaur Travel Guide — Nazaree.in
Agar aap history, adventure aur nature ke lover ho, toh Chaturbhuj Nala Rock Art Gallery aapke travel bucket list me zaroor honi chahiye!
Madhya Pradesh ke Mandsaur district me sthit yeh jagah apni 35,000 saal purani rock paintings ke liye duniya bhar me mashhoor hai. Yeh 8 km tak faili hui India ki sabse badi rock art gallery hai.
Is blog me hum aapko pura travel guide batayenge – kaise pahunchna hai, permission kaise milti hai, best time to visit, local stay, aur kya-kya dekhne ko milta hai!
https://appopener.in/yt/m9tyvtw0k
Chaturbhuj Nala Rock Art Gallery – Ek Nazar me
-
📍 Location: Bhanpura Tehsil, Mandsaur, Madhya Pradesh
-
🧭 Distance: Bhanpura se lagbhag 27 km
-
🕒 Timing: Subah 10:00 AM se shaam 4:00 PM tak
-
🚶 Trek Distance: Parking se 200–300 meter
-
🌳 Area Type: Reserve Forest (Van Vibhag permission required)
-
🎨 Age of Paintings: 35,000 years (approx)
-
🏆 Specialty: India’s largest rock art gallery (8 km long)
Yaha Ki Kahani – 35,000 Saal Purani Paintings
Guide ke hisaab se yeh rock paintings pracheen logon ki daily life diary thi.
Jaise hum aaj apne din ki activities likhte hai, waise hi purane log apni life, hunting scenes, rituals, animals aur nature ko rock walls par paint karte the.
Yaha par bane kai jaanwar aaj bilkul vilupt ho chuke hain, jabki kuch aise bhi hain jo aaj bhi jungle me nazar aa jate hain. Yeh painting sirf kala nahi, balki purani civilisations ki ek zinda tasveer hai.
Permission Kaise Milegi?
Kyuki yeh jagah Reserve Forest ke andar aati hai, isliye yaha jaane se pehle aapko Van Vibhag (Forest Department) se permission leni padti hai.
Chinta mat karo — generally permission easily mil jaati hai, aur aapko sath me ek trained guide bhi available hota hai.
Trek Experience – Short but Scenic
Parking se lagbhag 200–300 meter ki choti si trekking karni padti hai jo bahut hi scenic aur adventurous hoti hai.
Pathway rocks, jungle aur chaturbhuj nala ke kinare se hota hua aage badhta hai.
Chaturbhuj Nala – Jungle ki Beech Bahne Wali Khoobsurat Nadi
Is rock art site ka naam Chaturbhuj Nala isi nadi ke naam par padha hai.
Yeh nadi jungle me bahte hue Chambal River me jaakar mil jaati hai.
⚠️ Rainy Season Note:
Barsaat ke samay yeh poora ilaaka paani se bhar jata hai, isliye monsoon me yaha travel karna avoid karna chahiye.
Best Time to Visit
-
October se March – Ideal Weather
-
Avoid monsoon (July–September)
Nearby Stay Options – Comfortable & Budget Friendly
Agar aap yaha rukhna chahte ho, toh aapke paas kai ache options available hain:
-
Gandhi Sagar Forest Retreat
-
MPT Hinglaj Resort, Gandhi Sagar
-
Bhanpura aur Gandhi Sagar area me kai affordable resorts aur homestays
Yeh sab jagah clean, peaceful aur nature ke bilkul kareeb hain.
Why Visit Chaturbhuj Nala Rock Art Gallery?
-
India ki sabse badi rock art gallery explore karne ka moka
-
Adventure + History + Nature ka perfect combo
-
Reserve forest ka raw jungle experience
-
35,000 saal purani paintings aapko ek alag hi duniya me le jaati hain
Agar aap Madhya Pradesh me travel plan kar rahe ho, toh Chaturbhuj Nala Rock Art Painting ek must-visit heritage site hai.
⭐ Nazaree.in Travel Tip
Yaha jaane se pehle water bottle, comfortable shoes, cap aur basic first aid carry karna na bhoolein.
Guide ki instructions follow karna zaroori hai kyuki yeh reserve forest area hai.